Beuleum Oncom

Kahirupan Si emed memang perlu di pikiran. Dina nagara anu ceunah melak tongkat jadi tangkal, anu ceunah kaya sumber daya alam na, anu ceunah mentingkeun ka rakyat, masih keneh aya rakyat anu katalangsara kawas si Emed. Meureun geus takdir aing (gerentes hate si Emed). Nya dipikiran mah matak stress kahirupanana. Dahar isu can tangtu sore, dahar ayeuna can tangtu isuk dahar. Mana emana geuring deui. Pokona mah komplit.


Dina hiji poe si Emed milu pangajian di musola Al-Muhajirin pimpinan Ustad Jupri. Ceuk pa ustad, urang jaga di surga bakal manggihan sagala anu dipikahayang ku urang. Naha enya kitu, ceuk si Emed bari rada mikiran. Rek nanya da isin, teu nanya da kumaha. Bari jeung curuk ngageter ngacung," Punten, pa ustad, naha enya di surga teh urang bakal manggihan sakabeh anu di pikahayang?" Pasti "ceuk pa ustad. Tapi masalahna, urang asup kana surga tah heunteu.

Beres pangajian, si Emed geugeuraan ka warung, da aya pesenan tah meuli oncom ku ema. Geus lila ema teu ngadahar oncom ceunah. Nya kabeneran, Emed mantos mantuan ngangkutan sampah boga Abah haji kemod, diupahan sarebu. Lumayan yah keur meuli oncom. Nyampe ka warung, tuluy rugap ragap kana kantong. Aih..kamana duit anu sarebu tea? Asana tadi aya dina kantong calana. Astagfirulloh..da kantong calana teh bolong. Aduh kumaha, mana ngan sarebu-rebuna. Kumaha, mana ema can kabeulikeun oncom deui.

Teu lila Emed nyampe ka imah na anu geus teu layak di sebut imah. Da asana lamun katabrak beurit geh geus rubuh. Ema na geus lila nambru bae teu bisa kamana-mana kusabab boga panyawat anu teu puguh panyawatna. Da ceuk Ki jaro mah ceunah, ema teh kasurupan jurig cai basa ngumbah baju. Kumaha atuh da lamun dibawa ka dokter mah, boro-boro jeung mayar obat, jeung dahar sapopoe geh euweuh. "Med,...kadieu geura, ema hayang ngomong", ema ngageroan. " Aya naon ma,..., hampura, Emed teu bisa meulikeun ema oncom nya.." ceuk Emed bari ngaringhak. "Teu nanaon jang, doakeun bae ema nyah, asa moal lila deui ema ngabaturan Emed", ceuk ema. "Tong kitu ma, ema bakal cageur, teuing ke Emed nyiaran oncom deui jeung ema." Emed rada deg-degan, naha enya ema bakal maot. Euh kumaha da aing can meulikeun ema oncom. "Ma..ema ulah kitu, ke Emed jeung saha ma?"ceuk Emed. Teu aya jawaban atuh da emana teh geus maot.

Teu lila geus loba tatangga anu geus daratang ngalayad. Emed geugera manggihan ustad Jupri. Pa ustad, Emed bade naros, naha enya di Surga teh aya beuleum oncom?" Pa ustad ngahuleung bari neuteup seukeut ka si Emed. Naha kunaon maneh nanya kitu?"ceuk ustad Jupri. Si Emed nyaritakeun kahayang emana kana beuleum oncom anu tacan kasampean tea. Insya Alloh, med...sing loba ngadoa bae supaya ema maneh di caangkeun kuburna, ditarima amal ibadahna,"ceuk ustad Emed.